Xiriirada Wakaalada Filimada Soomaaliyeed
Wakaaladdu waxay lahayd xiriiro badan, waxaase hadda laga xusi karaa mid ah la lahayd hey’ad filimo oo British ah oo la yiraahdo British Films LTD, Dalka Talyaaniga, Masar, Ethiopia.
Wakaaladdu waxay xubin ka aheyd Pan African Films, oo ah urur weynaha ay ku bahoobeen dalalka Africa ee filimada soo saaraya iyo ururka Carabta ee Arab Films.
Waxaa Muqdisho lagu qaban jiray bandhigga filimada Africa ee Mogadishu Pan African Films (Mogafis), oo ka soo qeybgali jireen ururada iyo hey’adaha iyo waliba shaqsiyaad xirfadoodu la xiriirto sameynta filimada oo ka kala yimid dalalka Africa, Carabta, Asia iyo Yurub.